Eskualdeko dendak eta artisauak karrikan egonen dira egun osoan, 10:00etatik 20:30era arte. Haurrek, berriz, aurpegia margotzeko aukera izanen dute goizean, 11:00etatik 13:00etara Txokotoko zubian. 11:30etik 13:30era, aldiz, konpartsak eta herriko gaiteroek 'Erraldoien erosketaren kalejira' eginen dute.
Eguerdian, berriz, Loraldia lehiaketaren sari banaketa eginen du Arras Baztan elkarteak; 13:30ean Arizkunenean bilduko dira eta aurtengo edizioko irabazleak sarituko dituzte. Eguna borobiltzeko, Bidenabar taldeak kontzertua emanen du 20:00etan Ahaztuen plazan (Fantxike ondoan), eta horren aitzinetik, erraldoien erosketaren zozketa eginen dute.