Bihar abiatuko du Hutsun txalaparta taldeak Ttakunbira ibilbidea, eta X. edizioa izanen da aurtengoa. Txalaparta eta txirrindula elkartzen dituen proiektua da Ttakunbira, eta herriz herri mugitzen eta jotzen dute txalaparta.
10:00etan abiatuko dira bihar Elizondoko plazatik. Ibilbideak ez ditu bide eta ordutegi zehatzik, baina 50-60 kilometro inguru eginen dituzte egunero eta Lapurdi inguruan ibiliko dira. Hernanin akituko dute egitasmoa eta ekitaldia berezia eginen dute ibilaldia borobiltzeko.