Azpilkuetarrek hasmenta eman zieten herriko bestei atzo arratsaldean, Oier Ariztia eta Anne Urrutia domunausiek botatako txupinazoarekin, eta besta giro bete-betean izanen dira igandera arte:
Uztailak 6, larunbata. 08:00etan zikiroko su piztea eta 09:00etan gosaria. 14:30ean zikiro jatea izanen da eta 21:00etan afaria, Modesto akordeoilariak alaiturik. 00:00etan gaupasa izanen dute DJ Benturarekin.
Uztailak 7, igandea. 10:00etan kalejira izanen da herriko haurren eskutik, eta 11:00etan meza nagusia. 12:00etan luncha herriko elkartean. 17:00etan Eriz magoaren ikuskizuna eta 18:30ean haurren pilota partidak. 20:00etan tortilla jatea eta ondotik Gaixoa ni.
Gan-torri autobusa
Larunbat gauean Azpilkuetarat joateko Gan-torri busa antolatu dute Baztango Gizarte Zerbitzuek. Bi bidaia eginen ditu herrirat. Lehenbizikoa Lekarozetik abiatuko da eta ondoko ibilbidea eginen du:
- 23:30ean Lekaroz
- 23:35ean Arraioz
- 23:40ean Oronoz
- 23:50ean Almandoz
- 23:55ean Berroeta
- 00:00etan Aniz
- 00:05ean Ziga
- 00:10ean Irurita
- 00:15ean Etxarri
- 00:20ean Elizondo
- 00:30ean Arizkun
- 00:35ean Erratzun
- 00:45ean Amaiur
- 00:55ean Azpilkueta
Bigarren bidaia 02:00etan Elizondotik abiatuko da eta zuzenean joanen da Azpilkuetarat. Bueltatzeko berriz, 03:30ean, 05:00etan eta 06:30ean izanen dira bidaiak. Joan-etorriak hiru euroko prezioa izanen du.