Joan den urtean abiatu zuten eskualdeko udalek adimen desgaitasuna dutenendako eguneko egoitzaren proiektua. Hainbat udalen elkarlana bada ere, zentroa Oronoz-Mugairin eginen denez, Baztango Udala arduratuko da kudeaketaz. Egitasmoak 400.000 euro inguruko aurrekontu totala izanen du eta Nafarroako Gobernuak 288.975,90 euroko dirulaguntza eman dio.
Baztango Udalak jakinarazi duenez, aurten lehenbiziko fasea eginen da eta heldu den urtean bigarrena, hau da, azkena. Obrak lizitatzeko epea atzo bukatu zen eta ondoko egunetan esleituko dituzte. Lehen faseko lanak abuztuan hasi eta azaroan akitu beharko dituzte.