Bestak daminausiek (danbolin nagusiek) antolatu arren, ezin dugu aipatu gabe utzi hartu dugun laguntza, denen artean egiten baititugu bestak (guraso elkartea, zopa egileak, pilota antolatzaileak, herriko musikariak...). Horretaz gain, izan dira modu batera edo bertzera parte hartu duten herritarrak eta horiei esker ere atera dira bestak aitzinera; karpa muntatzen, ostatuko txandak egiten, garbitzen... Esker mila denei!
Beraz, jendearen erantzunarekin kontent, orain besta ondoko lanekin hasiko gara, baita errebestak antolatzen ere. Esker mila parte hartu duzuenei eta aupa Erratzuko bestak!