Hiru proiektuek Baztan hartu dute ardatz; lehenbiziko mailan Baztan Ezagutu egin dute, bigarren mailan Baztan Zaindu proiektua garatu dute eta hirugarrenean Baztan Anitza proiektua eraman dute aitzinerat. Hiru proiektuen informazioa eskuragarri dago lekaroz.web orrian.
Baztan Ezagutuk ikasleen hezkuntza aberastea du helburu, «beren ingurune natural eta kulturalarekin harreman zuzena izanez». Baztan Zainduk, berriz, bertako izaera zaintzea eta mantentzea du helburu: «hizkuntza, kirolak, dantzak, ohitura zaharrak, lanbideak…». Azkenik, Baztan Anitza aniztasuna hainbat ikuspegitik lantzeko proiektua da, bertzeak bertze, «aniztasun kulturala, fisikoa eta identitarioa».