Hilabetea falta da 61. Baztandarren Biltzarrako eta hainbat gai adosteko, elkarteak bilera eginen du heldu den astean. Ekainaren 24an, astelehena, 19:00etan Arizkuneneko sabaian izanen da hitzordua eta bertzeak bertze, desfilea eta orgen neurria izanen dute solasgai.
Herri bakoitzeko bi ordezkari joatea eskatu dute eta bertaratzea instagrameko mezu bidez baieztatzea. Gainera, bertaratzen direnen proposamenak aditu nahi dituzte, «denon artean besta goxo eta segurua eraikitzeko».