Ortziralean 19:00etan abiatuko da egitaraua, Pocos, buenos y seguros. Así empezo la revuelta de los presos sociales film laburraren proiekzioarekin. Ondotik solasaldia izanen da Ales Paya zuzendariarekin eta Salhaketako June San Millanekin.
Larunbatean ekitaldi ugari izanen dira ostatuan. 11:00etan Kartzeleko aislamenduaren indargabetzearen aldeko kanpaina txostena aurkeztuko dute. Alicia Alonso abokatua, presondegiko sisteman aditua eta giza eskubideen aktibista feminista izanen da hizlaria, Salhaketako kide den Maje Martinezekin batera.
12:30ean Lohitzune Zuloaga soziologoak Zigor populismoaren gorakada: arazo konplexuaren aurrean kartzela konponbide bezala solasaldia aurkeztuko du.
18:00etan, berriz, Xantaia terapeutikoa: kartzeletako gobernuen aldaketak mintzaldia aurkeztuko dute Dario Malventik eta Santi Cobosek, kartzelaren kontrako militanteek.
Eguna borobiltzeko, bi kontzertu prestatu dituzte. 20:00etan Hitz Tantak taldeak joko du, eta 22:00etan Mehatxu metal taldeak.