Friki Harrotasunaren Egunaren harira, Baztango Liburutegi Publikoak hainbat ekitaldi prestatu ditu hurrengo egunetan. Gaur arratsaldean izanen dute lehenbizikoa; 17:00etan Marvelen film bat ikusiko dute eta ondotik heroiak eta bilauak marrazteko aukera izanen da, Iban Fernandez artista elbetearraren gidaritzapean.
Egitarauak ortziralean, maiatzaren 31n, izanen du segida. Iban Fernandezek berak sortutako Inazuma Racers mahai-jokoaren aurkezpena eginen du 16:00etatik aitzinerat, eta herritar guztiak animatu dituzte jokoa probatzera.
Heldu den ortziralean, ekainaren 7an, euskarazko bideojokoen arratsaldea eginen dute, eta hainbat jokotan aritzeko aukera izanen da 17:00etatik aitzinerat.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.