ELA sindikatuak adierazi duenez, «azken asteetan bilerak egin ditugu enpresarekin eta Nafarroako Gobernuarekin, baina enpresak bere horretan segitzen du». Gainera, «langileen beldurrarekin jolasten dutela» salatu dute; «ez dakigu zenbat aldiz erran diguten momentuko proposamena azkena zela, eta onartzen ez bagenuen, enpresa hetsiko zutela. Behin baino gehiagotan baieztatu dute Nafarroako Gobernuaren laguntza daukatela enpresa Baztandik mugitzeko, baina gobernuko Iñaki Mendiorozek eta Mikel Irujok informazio hau gezurtatu dute».
Enpresaren jarrera «lotsagarritzat» eman dute, baina argi dute «gauzak aldatu behar direla, eta horretarako elkarrekin borrokan segitzea bertze aukerarik ez daukagula».