Giltxaurdi kiroldegiak haurrendako kirol jokoak antolatuko ditu aurtengo udan ere, Ane Dendarieta eta Jaione Arnal monitoreen eskutik. 6-12 urte bitarteko haurrei egonen dira zuzenduak jarduerak eta bi txandatan eginen dituzte: uztailaren 8tik 12ra eta abuztuaren 5etik 9ra. Goizez izanen dira jokoak, 09:30etik 13:30era.
Izena eman nahi dutenek aste honetan izanen dute aukera igerilekuan: maiatzaren 20an eta 21ean Baztanen erroldatuek eta 22an eta 23an erroldatuak ez daudenek. Urteko abonua dutenek 75 euro ordaindu beharko dituzte, abonatuak ez daudenek, berriz, 100 euro.