Baztango Liburutegi Publikoak Antzerkigintza zikloa antolatu du maiatzean; joan den astean haurrendako kamishibai saioa izan zuten eta aste honetan helduen txanda izanen da. Maiatzaren 20an, astelehenean, Testutik oholtzara: herri ekimen baten esperientzia bideo aurkezpena eta mahai-ingurua aurkeztuko dute Josune Gorostegi aktoreak eta Nerea Iturririak 18:00etan.
Maiatzaren 27an, berriz, Paseoa: eguneroko bizitza idazteko manera deriba eta hausnarketa saioa eginen dute 18:00etan, Oier Guillanek gidatua. Parte hartu nahi dutenek liburutegian eman beharko dute izena.