Elizondoko Antxitonea trinketeak Onenak paleta txapelketa antolatu du laugarren aldiz, oraingoan Xauli elkartearen alde. Larunbateko finalean, Urruñako Ramuntxo Amestoik eta Arnaud Bergerotek 40-26 irabazi zieten Mattin Legarreari eta Axier Gamiori.
Urruñako bikotea iaz ez zen finalera ailegatu, baina, larunbatekoarekin, bertze hiru txapeketak irabaziak ditu. Finalaren aitzinetik, hirugarren posturako partida Joseba Arizmendik eta Mikel Argaratek 40-26 irabazi zieten Iñaki Iantziri eta Iñaki Urrutiari.
Finaleko sarreran bildutako dirua Xauli elkartera bideratu dute aurten eta larunbateko finalaren ondotik, bazkaria eta giro bikaina izan zuten Elizondoko Falfarak elkartean.