Tomas Sobrino Habans margolari elizondoarraren Los árboles que nos quedan (Gelditzen zaizkigun zuhaitzak) pintura erakusketa ikusgai izanen da maiatzaren 10etik ekainaren 30era Iruñeko Gotorlekuko Mistoen pabiloiko beheitiko solairuan.
Iruñeko Udalak jakinarazi duenez, maiatzaren 10ean, ortziralean 19:00etan eginen dute erakusketaren inaugurazioa eta ekainaren 30era arte ikusteko aukera izanen da. Asteartetik larunbatera 11:30etik 13:30era eta 18:00etatik 20:30era eta igande eta besta egunetan 11:30etik 13:30era zabalduko dituzte aretoaren ateak.