Baztan-Bidasoko GKSk Zergatik Palestinaren alde egotea da Israelen aurka egitea? Historia, bilakaera eta erronkak solasaldia antolatu du bihar, maiatzaren 10ean, Arizkunenean. 18:30ean izanen da saioa eta Imanol Satrustegik gidatuko du, historialaria eta Palestinarekin Elkartasuna plataformako kidea.
Palestinaren aldeko ekimenak heldu den astean segituko du. Maiatzaren 15ean, asteazkena, elkarretaratzea eginen dute Elizondoko plazan 19:30ean, Israelen eta bere mendebaldeko konplizeen aurka, Palestina askatu lelopean.