10:30ean hasiko dute jardunaldia, azken asteetan eskualdean egindako binakako frontenis txapelketako finalarekin. 12:00etan, berriz, 'Kalitatezkoak, doakoak eta unibertsalak diren udal azpiegituren aldeko' aldarrikapena eginen dute. Ondotik aperitiboa izanen dute eta 14:30ean bertso bazkaria Beñat Astiz, Josu Sanjurjo eta Maddi Sarasuarekin. Bazkariko txartelak ortzegunera arte erosten ahalko dira, taldearekin sare sozialetatik solastatuz edo 680 13 13 18 telefonoan, 15 eurotan.
Egitarauak arratsaldean izanen du segida, eta pintxo-potea eginen dute 20:00etan. Eguna borobiltzeko, 21:00etan kontzertuak izanen dituzte: A.M.S, Hago silik eta Ozpinduk taldeak izanen dira oholtzaren gainean, ondotik, Deejaywester eta Kaletekknoko Vulture eta Zigix DJak.