Larunbatean jokatu zen Laxoa Elkarteak antolatutako Baztan eta Errekaren arteko laxoa motzeko desafioa. Partida bikaina izan zen, arras parekatua. Partidu guztian joko bakarreko aldean egon ziren bi taldeak. Zortzinako berdinketaren ondotik, baztandarrek egin zuten hondarreko jokoa, 9 eta 8ko markagailua ezarriz eta garaipena lortuz,
Baztandarren aldetik Mikel Mindegia, Manu Irigoien, Aritz Alunda eta Oinatz Jauntsarats aritu ziren. Errekatik Goio Mindegia, Ramontxo Etxebeste, Ugutz Zelaieta eta Erik Garcia.
Desafioaren ondotik, Laxoa Elkarteak jakinarazi duenez, «hemendik bi astera laxoa txapelketarekin hasiko gara».