10:00etan hasiko da azienda feria eta aurtengoa XXIV. Ahari Lehiaketa izanen da. Gainera, bertako artisau eta ekoizleek ere azoka eginen dute. 11:00etan txistulariak aterako dira giroa alaitzera eta 11:30etik 13:30era haurrendako tailerra izanen da. 12:00etan, berriz, Baztango Dantzari Ttikien ikuskizuna izanen da.
12:15ean urteko ardi gasnaren mozketa ekitaldia eginen dute eta bertako produktuak dastatu nahi dituztenek 12:30ean izanen dute aukera. Goiza borobiltzeko, 13:00etan ahari lehiaketako sari banaketa eginen dute.