Baztango Gizarte Zerbitzuek komunikazio ez bortitzari buruzko solasaldia antolatu dute martxoaren 22an, ortziralea, Arizkuneneko sabaian 17:00etan. Familiei, hezkuntza arloko profesionalei eta gaian interesa duen orori zuzendua egonen da jarduera eta hainbat gai landuko dituzte: norberarekin eta bertzeekin komunikatzeko moduak, entzute aktiboa, enpatia, emozioak… Nerea Mendizabalek gidatuko du saioa, komunikazio ez bortitzeko hezitzailea eta psikopedagogian lizentziatua.
Interesa dutenek martxoaren 15era arte izanen dute izena emateko epea. Horretarako, gizartezerbitzua@baztan.eus korreora idatzi edo 689 035 078 telefonora Whatsappa bidali beharko da.