Egun osoko egitaraua prestatu dute larunbaterako. 10:30ean hasiko dute jardunaldia; bizikleta martxa eginen dute Elizondoko euskaltegitik abiatuta eta Gartzain, Irurita, Arraioz eta Lekaroztik pasatuko dira Elizondorat bueltatzeko. 12:00etan, berriz, gosaria eginen dute Arraiozko Arizti elkartean.
Bazkaria, berriz, Eskisaroi jatetxean eginen dute 14:30ean. Txartelak eskuragarri daude 20 eurotan Zubi Puntan eta euskaltegian. 18:00etan, berriz, bertso-poteo musikatua izanen da Elizondotik, Alazne Untxalo, Saioa Alkaiza eta Maddi Ane Txoperenarekin. Eguna borobiltzeko, 22:00etan Pelaxen kontzertua izanen da Txokoton.