Saharaztan Baztan-Bidasoko Saharar Herriaren Aldeko Elkartasun Taldeak antolatuta, ortziralean, martxoaren 1ean, 19:00etan, elkarretaratzea eginen dute Saharar herritarrekin elkartasuna, Sahara Sahararrentzat! lelopean. Ondotik, 19:30ean, Arizkuneneko sabaian solasaldia eginen dute eta Saharaztan elkarteko materiala erosteko aukera izanen da: kamisetak, boligrafoak, erosketa poltsak... Bi hitzorduetara hurbiltzeko deia egin nahi izan die Saharaztanek Baztan-Bidasoko herritarrei.
2024ko udan harrera familia
Horrekin batera, aurtengo udan harrera familiak bilatzeko kanpaina hasi dute, eta norbaitek udan Saharako haur bat hartu nahi badu telefono hauetara dei dezake:
- Urdazubi, Zugarramurdi, Baztan: 659 55 30 14
- Malerreka, Bertizarana: 635 59 93 06
- Bortziriak: 646 431 435
«Hasi pentsatzen aurtengo udan zer esperientzia bizi nahi dituzuen eta kontuan izan harrera familia bihurtzea aukera interesgarria izan daitekeela!», gaineratu du Saharaztanek.