Zuek ere ohartu zarete ezta? Errepidean eta gure herrietako aparkalekuetan gero eta auto handiagoak daudela, ezta? Bai, gure ingurukoek erosten dituzten autoak denak dira orain 4x4 urbano moduko horietakoak. SUV deitutakoak dira. Eta SUV ibilgailu horiek sortutako arazo sozial eta ekologikoak tarteko, Parisen herri galdeketa egin zuten otsailaren 4an eta ibilgailu handi horiek gehiago ordaindu beharko dute orain Parisen aparkatzeagatik. Honetaz gehiago hausnartzeko Joseba Otondorekin egon gara.