Adierazi dutenez, «eraso berri bat eman da aitzitik ere hain erasokorra izan den gure besta giroan. Gaur gaurkoz erasoak gertatzen dira bestaz, baina baita bestatik kanpo ere: ikastetxean, familian, lagunartean, lanean… ez da lehenagoko kontua. Emaztekiek jasaten dugun biolentzia errealitate bat da, egiturek eta batez ere gure inguruko gizonen ideia patriarkalek betikotzen dutena. Denon ardura da erasoak gaitzestea, erasotua izan dena babestea eta berriz ere errepikatuko ez dela bermatzeko neurriak hartzea. Erasotzailea ez delako erasotzera ausartzen bertze aldera begiratzeko prest dagoen ingururik gabe».
Azkenik, «erasoak salatzen segituko dugu, errealitate biolento honekin akitu nahi dugulako. Baina argi dugu emaztekiek ez dugula beldurrez bizitzen segitu nahi, eta horren aitzinean, elkar babesteko tresnarik onena gure artean saretu eta indartzea dela. Emakume bat erasotzen duzuenean guztiok erasotzen gaituzue, hortaz, edozein eraso motaren aitzinean, parean izanen gaituzue beti».