50 elizondoar inguru bildu ziren atzo goizean Arizkunenean herri batzarra egiteko. Hainbat gai landu zituzten bertan, tartean, Txokotoko Muniartea zubia asteburu eta besta egunetan ibilgailuendako hesteko proposamena. Bozketan gehiengoa proposamenaren alde agertu zen, hortaz, asteburu eta besta egunetan oinezkoendako bakarrik egonen da irekia zubia. Gainera, zubiko lurrean dauden harrizko piboteak eta argiak kentzeko proposamenak ere gehiengoaren babesa izan zuen.
Honez gain, Baztan Hobetzen plana ere izan zuten solasgai, eta Gabriel Laborra arkitektoak eman zituen proiektuari buruzko zehaztasunak. Hilerriko kolunbarioei dagokienez, Baztango harri gorriarekin eginak, 800 euroko prezioa izanen dute.