Baztango Udalak eta Gizarte Zerbitzuek antolatua, haurrenganako sexu abusuei buruzko sentsibilizazio solasaldia emanen du Maitane Urizarrek abenduaren 19an, 17:00etan Arizkunenean. Interesa duen edonori zuzendua izanen da eta bertzeak bertze, tabuei aurre egitea, mitoak haustea eta errealitatea erakustea du helburu.
Solasaldiak edukiera mugatua izanen du eta izena eman beharko da lehenagotik. Bihar izanen da izena emateko azken eguna, 948 58 00 06 telefonora deituz, 689 03 50 78 zenbakian Whatsapp bidez, edo gizartehezitzailea@baztan.eus helbidera idatziz.