Joan den astean Zigan abiatutako grabaketa bihar, abenduaren 13an, akituko du ETB1eko SOS Kantak Arriskuan saioak. Herrian erregistratutako kanta zahar baten berreskuratzea du ardatz saioak.
Baztango jendea gonbidatu dute emanaldirat publiko gisa, eta bertaratu nahi izatekotan, 677 21 70 24 telefono zenbakirat deitzeko eskatu dute. Grabaketa 18:00etan Zigan izanen da, eta kokalekua eguraldiaren arabera erabakiko dute. Publikoa 15-20 minutu lehenago agertzeko eskatu dute, grabaketa modu arinean gauzatzeko.