'Kanpora sartzen' antzezlana aurkeztuko dute igandean Iruritan

Ttipi-Ttapa 2023ko abe. 8a, 12:00
Intza Alkain eta Xabier Fernandez aktoreak izanen dira oholtzaren gainean. EITB.

Baztango Kultura Zerbitzuak antolatua, Kanpora sartzen antzerkia aurkeztuko du Txalo Produkzioak taldeak abenduaren 10ean, 19:00etan Gizarte Bilgunean. Intza Alkain Ibarguren eta Xabier Fernandez Zubeldia aktoreak izanen dira oholtzaren gainean.

Kanpora sartzen

2013ko martxoaren 11n, Xabinek seropositiboa zela jakin zuen; egun hartan, dena aldatu zen. Hamar urteren ostean, Xabinen eta birusaren arteko harremanari buruz hitz egiteko garaia heldu da. Euren arteko elkarbizitzaren testiguak izanen gara obra honetan, azken hamarkadan gertatutako pasadizoak errepasatuz. Pilulak, estigma, lotsa, kontsultak, beldurra, errua, bakardadea, osasun mentala, terapia, pandemia... Nola eragin du birusaren etorrerak Xabinen eguneroko bizitzan?

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun