Azokak
Baztango artisau eta ekoizleek merkatuak eginen dituzte Elizondoko plazan hilaren 2an, 8an, 9an, 23an eta 30ean. Erratzuko artisauek, aldiz, urteko azken merkatua eginen dute 3an, herriko plazan goizez.
'Kanpora sartzen' antzerkia
Txalo Produkzioak taldeko Intza Alkainek eta Xabier Fernandezek Kanpora sartzen umorezko antzezlana aurkeztuko dute abenduaren 10ean Iruritako Gizarte Bilgunean, 19:00etan.
Musika eskolaren emanaldiak
Baztango Musika Eskolak kontzertua eginen du Elizondoko Zahar Etxean, abenduaren 12an, asteartea, 17:30ean. Eguberrietako kontzertua, berriz, abenduaren 19an izanen da, 17:30ean Elizondoko elizan.
Baztan Kantuz Gartzainen
Musika eta kantua maite dutenek Gartzainen izanen dute hitzordua hilabete honetan, abenduaren 17an Baztan Kantuz ekimena bertan izanen baita. 12:00etan herriko plazan bilduko dira.
Bailableak Lekarozen
Dantzatzeko aukera ere izanen da abenduan, hilaren 17an, zehazki, Lekarozen. Elizondoko Gaiteroek mutxikoak, jotak eta larrain dantzak joko dituzte 12:30etik aitzinera.
'Jauzi' ikuskizuna
Dantza eta kantu ikuskizunaz gozatzeko aukera izanen da Iruritan abenduaren 22an, ortziralea, Iruritako Dantzari, Majoxko eta Elizondoko Koro Ttikiren eskutik. Herriko pilotalekuan 18:00etan izanen da emanaldia.
Magiklown magia eta pailazoak
Iruritako Guraso Elkarteak antolatua, magia eta pailazoen Magiklown ikuskizuna eginen dute abenduaren 29an, 17:00etan Gizarte Bilgunean. Haur boluntarioen laguntzarekin, magia truko harrigarriak eginen ditu Sebastian Dunkerke eta Panaiotis Fassoulasek osatutako bikoteak.
Baztan-Bidasoko bandak
Baztan-Bidasoko musika bandek kontzertu berezia prestatu dute abenduaren 30ean, larunbata. Aitzinerago emanen dute honi buruzko informazio gehiago, sare sozialen bidez.
Liburutegian ere ekitaldi ugari
Ikasturtearen hasmentarekin, Baztango Liburutegi Publikoak hainbat jarduera antolatu ditu udazken eta negurako. Haurrendako ipuinaren ordua, helduendako komiki eta poesia irakurle taldeak, adin guzietarako asteazken sortzaileak… Gainera, solasaldiak, kontzertuak eta erakusketak ere eginen dituzte.