Rosa Vendrell idazle katalanak Memorias líquidas, voces de las lavanderas ikuskizuna aurkeztuko du larunbatean, azaroaren 18an, Elizondoko Mila-Ananda erakusketa gelan, Jaime Urrutia karrikan. 19:00etan izanen da hitzordua, dohaintza 10 eurokoa izanen da eta informazio gehiagorako edo erreserbak egiteko eskuragarri paratu dute 696 28 28 90 telefonoa.
Ikuskizunak ikusgarritasuna eman nahi dio urteetan garbitzaileek egindako lanari eta lixutegiak ondare kulturala direla aldarrikatzen du; lan egiteko lekuak, baina baita askatasunerako, sozializatzeko, konpromiso politikorako, poz eta tristurarendako, minarendako eta gaueko topaketa ezkutuetarako ere. Abesti, argazki, irakurketa eta bideoz osatutako ikuskizuna da Memorias líquidas istorio errealak kontatzen dituenak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.