Baztango Udaleko ordezkariek adierazi dutenez, «2023-2028 bitarteko Euskara Planaren erronka nagusiak irudiztatzeko hausnarketa eta eztabaida prozesua sustatu dugu. Azken hilabeteetan Baztango herritar eta eragileekin lan-mahaiak egin ondotik, hauetan jasotakoak bateratu, konpartitu eta osatzeko lanketa zabala eginen dugu azaroaren 11n».
Baztango euskararen egungo diagnosia osatuta, hurrengo bortz urteetarako plana diseinatzeko herritarren hitza aditu nahi dute, eta horretarako, azaroaren 11n herritar guztiei lanketa zabalean parte hartzeko deia luzatu diete. Haurrendako zaintza zerbitzua izanen da azaroaren 9ra arte egonen da zabalik izen ematea, galdetegia beteta edo euskarabaztan@gmail.com helbidera idatzita.