Nafarroako mugimendu feministako kide Paula Garcia, eta zaintza lanetan aritzen diren hiru emakumeren testigantzak jaso zituzten mahainguruan: zahar etxean 29 urtez lanean ari den Josune Galarregirena, Nicaraguatik Baztanera joandako eta etxeetan egoiliar gisa lan egiten duen Veronica del Carmen Centenorena eta osasun mentaleko erizaina den Izaskun Mihurarena.
Garciak azaroaren 30erako deitutako greba feminista orokorraren helburuak azaldu zituzten, eta zaintza sistema komunitario aldarrikatu zuen. Ondotik hiru langileren testigantzak aditu zituzten eta hainbat aldarrikapen ere egin zituzten. Bertaratutakoek ere hartu zuten hitza, eta azaroaren 30erako greban parte hartzeko deia egin zuten.