Euskal Herriko lehen mailako aizkolari txapelketaren finala jokatuko dute azaroaren 1ean, asteazkenean 12:00etan hasita Iruñeko Navarra Arenan. Irailaren 30ean Donezteben jokatutako kanporaketako sei lehenbizikoek dute finala jokatzeko eskubidea: Iker Vicente, Hodei Ezpeleta Bihurri, Julen Gabirondo, Oier Kañamares, Zigako Joxean Etxeberria eta Jokin Urretabizkaia Basozabal.
Kanporaketaren lan bikoitza egin beharko dute asteazken eguerdiko finalean: hamabi enbor moztea: 54 ontzako, 60 ontzako eta 72 ontzako launa. Iker Vicente izanen da faborito nagusia.