Fase berri honi ekiteko abiapuntua «hezkuntzaren arloa modu zabal batean landuko duen elkargunea osatzea» izan zen, eta horretarako hiru lan saio egin zituzten. Bertan parte hartu zuten Baztango ikastetxeek, udalak, hezkuntza ez formaleko eragileek, guraso elkarteek eta herrigintzako eragileek.
Aurtengo ikasturtean hezkuntza foro hau berraktibatzeko eta prozesuarekin segitzeko, urriaren 25ean Arizkunenean bilduko dira 17:30etik 19:30era. Eragileak saioan parte hartzera gonbidatu dituzte. Bertan, joan den ikasturtean adostutako erronka, Baztanen haur eta nerabeen parte hartzeko batzordeak sortzea, nola landu adostuko dute.