Larunbatean 10:00etan elkartu ginen eskolako atarian jendeari ongi etorria emateko eta Almandozko eskolako haurrek ozen abestu zuten beraien kantua. Ondotik, bi mendi bueltak abiatu ziren eta jendeak Almandozko parajeekin disfrutatzeko aukera izan zuen. Goizean aurpegiak margotzeko aukera izan zen, baita Ainara Unanuaren ipuinak entzuteko parada ere.
Eguerdian denak frontoian elkartu ginen bazkaltzeko; kafea eta kopa Almandozko Guraso Elkartearen esku izan zen eta almandoztarrek egindako postreak erosteko aukera ere izan zen. Arratsalde osoan puzgarriak, Hauspolariak bikotearen musika eta hainbat joko izan genituen.
Hurrengo urteko bestaren testigua Zigako eskolako gurasoei eman zaie, despedida moduan. Gora Eskola Ttikiak!