Urdazubi, Zugarramurdi eta Baztango Herrietako Eskola Ttikiek bihar eginen dute urteroko besta, eta Almandozko Guraso Elkartea aritu da aurten antolakuntzan. Egun osoko egitaraua prestatu dute:
- 10:00etan harrera ekitaldia frontoian
- 10:30ean ibilaldia. Bi ibilbide izanen dira; motza ttikienendako (2,2 km) eta mendi buelta luzea (6,5 km)
- 12:00etan hamaiketakoa hartuko dute eta ipuin kontalaria eta aurpegi margoketa izanen dira
- 14:00etan bazkari autogestionatua eginen dute frontoian
- 15:30etik 18:30era haurrendako ekitaldiak eta dantzaldia izanen dira
Honez gain, kotxeak uzteko hiru aparkaleku prestatu dituzte, eta norberak bere edalontzia eramateko eskatu dute antolatzaileek.