Antolatzaileek adierazi dutenez, «gure eskerrik beroenak asteburuan Izpegira hurbildu zineten guziei, gure espektatibak gaindituz, bazkariko txartel guziak saldu eta mendateko bazter guziak biziz bete genituen». Larunbat gaueko kontzertuetan «argindarrak huts egin zigun arren, gaualdiarekin segitzea lortu genuen denen artean. Esker bereziak Mirua, Toc, DJ Üzkülüz eta Elektrotxorongori izandako prestutasunagatik eta sortutako giro bikainarengatik».
«Aurtengo esperientzia eta irakaspen guziak kontuan hartuz, egun borobila atera genuen aitzinera. Baigorri eta Baztanen arteko lankidetzarekin segitzeko motibazioz beteta gaude. Gora Izpegiko bestak! Eta gora Nafarroa!».