Munduko Osasun Erakundearen arabera halako aparailuek sortzen dituzten intentsitate baxuko uhinek ez dituzte kalterik eragiten ez loan, ez osasunean, eta erradiazioak osasun mugen barnean mantentzen dira horretaz arduratzen diren entitate publikoen arabera. Baina, badago bere osasunean eta loan bertan, egunerokotasunean, hobekuntza nabarmenak sumatu dituenik aparailu horiek itzali edo lekualdatzean.
Lander Susperregi bere eta inguruko esperientzietatik abiatuz joan zen gero eta gehiago sakontzen uhin elektromagnetikoekin kontuz ibili beharko genukeela dioen ikuspuntuan, COVIDaren beraren jatorria 5Garen azpiegituren zabalpenarekin lotzeraino. ¿Konspirazio teoria bat ala ezkutatu zaigun errealitate kaltegarria?
Eztabaida luze honetan uhin elektromagnetikoen, teknologiaren edo zientziaren inguruko ikuspuntu ezberdinak topatuko dituzu.