Baztango Kultura Zerbitzuak Legoekin egiteko robotika tailerra antolatu du Arizkunenean irailaren 28an, larunbata, Discover Bricks-en eskutik. 5 eta 12 urte bitarteko haurrei zuzendua egonen da eta 8-12 lagun arteko bi talde eginen dituzte, bi saio egiteko. Lehenbiziko saioa 10:00etatik 11:30era izanen da eta bigarrena 12:00etatik 13:30era.
Parte hartzeko interesa dutenek irailaren 15era arte izanen dute izena emateko epea. Horretarako, info@discoverbricks.es helbidera idatzi beharko da edo 636 479 965 edota 636 450 745 telefonoetara deitu.