Zazpi artisten lana biltzen duen ‘Aniztasunak’ erakusketa ikusgai dago abuztuaren 31ra bitarte Elizondoko Arizkunenea kultur etxean. Baztango udalak, Eskuahaldunak Eskultoreen Elkartea, Ereite Elkarte Multikulturala, Billabonarte elkartea eta bertze zenbait erakunderen laguntzaz antolatutako erakusketa honetan, Angel Navas, Hector Luna, Ramon Balerdi, Paz Treuqil, Jon Iñaki Ormazabal, Elena Arrese eta Uxue Lasaren lanak daude ikusgai.
Giza Eskubideen Aldarrikapen Unibertsalaren lehen artikulua du oinarri erakusketak: «Gizaki guztiak aske eta berdin jaiotzen gara duintasun eta eskubideetan eta arrazoiaz eta kontzientziaz hornituta, anaitasunez jokatu behar dugu elkarren artean». Erakusketa egunero zabalik izanen da 17:00etatik 21:00etara.