Fagoagak azpimarratu du belaunaldi berriak ahaldunduagoak ikusten dituela: «Orain norbaitek gure espazioa inbaditzen badu momentuan erantzuten dugu». Baina, Ariztegiren aburuz «emakumeak gero eta ahaldunduagoak gauden bitartean gizonen partetik ez da apenas aurrerapausorik ematen». Horri gehitu dio «gizonen arteko aliantzak hautsi behar direla: norbait erasotzailea bada edo zerbait gaizki egin badu ez da deus pasatzen hori gaizki dagoela errateagatik eta mugimendu feministak erraten duenarekin bat egitea». Fagoagak jarraian: «gizonek ere paper garrantzitsua izaten ahal dute bigarren lerro batean guk erraten dugunari ere babesa ematen. (...) Aunitzetan herrietan erasotzailea ezaguna baita».