Elizondoko Foruen Plazan geldituko dira, larunbatean 09:00etan. Lanetako bat herriko karrika nagusietako espaloietan dauden belarrak moztea denez, beharrezkoa izanen da desbrozadora eramatea. Jorge Oteizak herriari emandako eskultura ere pintatuko dute.
Auzolanean parte hartu nahi duenak, aitzinetik izena eman dezake, izen-abizenak eta Nortasun Agiriaren zenbakia 699 31 45 14 telefonora bidaliz. Izena ematen dutenak aseguratuak egonen dira. Auzolana goizean bakarrik izanen da eta, akabailan, hamaiketakoa emanen zaie parte-hartzaileei.