Saharaztanek martxan paratu du bertze behin Oporrak bakean egitasmoa, Nafarroako ANAS elkartearekin eta Frente Polisarioarekin lankidetzan. Egitasmoaren helburua Saharako errefuxiatuen kanpamentuetan bizi diren haurrak udan eskualdera ekartzea da, bero itogarritik eta gerra testuingurutik ateratzeko.
Uztailaren 10ean bederatzi neska-mutiko etorri ziren: Sidenna, Nana, Mohamedu, Kente, Mohamed, Salmi, Shidahmed, Haya eta Agdafna. Ohikoa den bezala, Baztango Udalak harrera eginen die haurrei, harrera familiei eta ANAS elkarteko eta Frente Polisarioko ordezkariei. Bihar, uztailaren 18an, 11:00etan udaletxean izanen da ekitaldia.