Jakitera eman dutenez, anbulantziek 31, 41 eta 53 urteko hiru gizonezko eraman zituzten Nafarroako Unibertsitate Ospitalera. Zaurituetako bik, 31 eta 41 urteko gizonezkoek, polikontusio arinak zituzten; hirugarrenak, 53 urteko gizonezkoak, buruko traumatismoa, bizkarrean traumatismoa eta hankan zauri irekia zituen, pronostiko erreserbatuarekin.
Istripua artatzera Oronoz-Mugairiko suhiltzaileak, Erreskate Teknikoko Taldea, Oronoz-Mugairiko mediku talde bat, bizi euskarri aurreratuko anbulantzia bat, oinarrizko bizi euskarriko anbulantzia bat eta Foruzaingoaren patruilak bertaratu ziren. Bidea itxita egon zen 23:55ak arte eta Foruzaingoa arduratuko da atestatua egiteaz.
