Diana Iniesta artistak Allegro vivace margo erakusketa aurkeztuko du uztailaren 19an, eta Erratzun duen pintura eskolan izanen da ikusgai abuztuaren azken eguneraino. Uztailan 19tik 23ra eta 29tik 31ra egonen da irekita, baita abuztuan 1etik 4ra, 9tik 15era, 19tik 25era, 30ean eta 31n ere. Ordutegia arratsaldez izanen da, 18:30etik 20:30era.
Ia 30 lanek osatzen dute Iniestaren azken bilduma, iraila eta ekaina artean eginak, Allegro vivace izenpean. Kanpoan eta tailer barnean margotutako koadroak dira, paisaiak, loreak eta amatasuna izanik lanen gai nagusia. Momentuko edertasuna irudikatu nahi du margolanetan, hortaz, pintzelkada arin eta azkarrez eta kontraste handiarekin sortu ditu irudiak, bizitasuna eta berehalakotasuna ematen dutenak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.