Elizondoko bestetako zikiriko txartelak uztailaren 13an salduko dituzte

Elizondoko Besta Komisioa prestaketa lanetan ari da buru-belarri, eta urtero bezala, zikiroko txartelak aldez aurretik salduko dituzte aurten ere. Uztailaren 13an, ortzeguna, Herriko Etxean izanen da salmenta 19:30ean. Txartel bakoitzak 35 euro balioko ditu eta pertsonako gehienez ere bortz erosten ahalko dira. Ohartarazi dutenez, aurten bakoitzak bere edalontzia eraman beharko du bazkarira.