Baztandarra txirrindulari elkarteak antolatutako Arizkun BTT mendi bizikleta proba eginen dute ereiaroaren 10ean, larunbatean 17:00etan hasita. Txikiak, hasiberriak, kimuak eta haurrak ariko dira eta Arizkungo herriaren eta gazteen laguntza izan dute antolaketarako.
Ez dago geldirik Baztandarra txirrindulari elkartea. Maiatzaren 5ean, Bidasoko Itzuliko etapa Baztanen barna ibili ondotik Bagordin akitu zen, eta antolaketa lanean buru-belarri aritu zen. Maiatzaren 16an, berriz, Caja Rural profesional taldearen bisita izan zuten eta Baztandarra taldeko txirrindulariek beraiekin entrenatzeko aukera ere izan zuten.
Larunbat honetarako antolatu duten mendi bizikleta probaren ondotik, abuztuaren 6an, Elizondon errepideko lasterketa antolatuko dute.