Bestak 2023

Almandozko bestak aurten ekainaren 7tik 11ra ospatuko dituzte

Ttipi-Ttapa 2023ko eka. 6a, 08:00

Iruritako eta Berroetako besten ondotik, almandoztarrek egitaraua prest dute herriko bestak ospatzeko

Ekainak 7, asteazkena, bezpera. 20:00etan txupinazoa. 20:30ean kalejira musikarekin eta buruhaundiek alaiturik. 21:00etan baztan zopak, Beñatek alaiturik.

Ekainak 8, ortzeguna, Bestaberri eguna. 08:00etan Aurora parrokiko abesbatzarekin eta Bixente akordeoilariarekin. 12:00etan meza nagusia eta prozesioa. 13:00etan luncha herriko frontoian. 17:00etan herritarren arteko desafioa. 20:00etan tortilla patata lehiaketa eta 21:00etan afaria. 00:00etan DJ Itzoto.

Ekainak 9, ortziralea, haurren eguna. 11:00etan haur jokoak. 16:00etan haurrendako puzgarriak arratsalde osoan. 17:30ean mus txapelketa. 18:00etan haurrendako txokolatada. 21:30ean herri afaria. 00:30ean dantzaldia Gabezin taldearekin. 06:00etan zingar jatea gautxorientzat. Joan-etorri bus zerbitzua izanen da.

Ekainak 10, larunbata, zikiro eguna. 11:00etan mus txapelketako final erdiak eta finala. 13:00etan mus txapelketako sarien banaketa eta herri buelta Zubietako joaldunek alaiturik. 14:00etan zikiro jatea. 16:00etan mahai inguruko kantak Beñatekin. 21:30ean gazte afaria. 00:00etan DJ Kapitan General.

Ekainak 11, igandea, azken eguna. 12:00etan meza nagusia. 17:30ean herri kirolak. 20:00etan sarien zozketa. 22:00etan Gaixoa ni.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun