Hauteskundeetarako balio ez duten gutun-azalak ikusi dituztela ohartarazi du Zurekin Baztanek

Zurekin Baztanek jakinarazi duenez, hauteskundeetarako balio ez duten gutun-azalak ikusi dituzte Baztango hainbat herritan; Elizondon, Elbeten, Azpilkuetan, Berroetan, Zigan, Iruritan… Kanpoan letra urdinak eta barnealdea arrosa dutenak ez dute balio; letra beltzak eta barnealde zuria dutenak dira zuzenak. Gaur eta bihar azal berriak banatuko dituzte herri guztietan, baina gutun-azalak egiaztatzeko deia egin du udal taldeak eta ziur ez daudenei, igandean mahaietan hartzea gomendatu diete.