Nafarroako Gobernuko Lurralde Kohesiorako Departamentuak Elizondotik N-121-B errepidera sarbidea eraikitzeko obrak lizitatu ditu 485.000 eurotan. Iragarpena Nafarroako Gobernuko kontratazio atarian dago ikusgai eta ekainaren 1era arte aurkezten ahalko dira enpresa interesatuak.
Sarbidea Menditurri karrikatik abiatuko da, hau da, Foruzaingoaren komisariatik. Lehen tartea 170 metroko luzera eta 6 metroko zabalera duen errepidea izanen da, 1,80 metroko espaloiarekin, saihesbide azpira doan pasabidera arte. Handik N-121-B errepidera sartzeko tartea hasiko da, 50+040 puntu kilometrikora zehazki, eta 130 metroko luzera izanen du. Bideetan 40 km/h abiadura finkatuko da.