Maiatzaren 28ko hauteskundeei begira, Baztango hainbat herritarrek Baztango Independienteak hautesle elkartea aurkeztu dute, «biztanle sektore haundi bati ahotsa emateko». Zerrenda hurrengo kideek osatuko dute:
- Pello SARRATEA SANZBERRO
- Andoni IRIGOIEN MARITORENA
- Mattari ALTZUARTE GAZTELU
- Beatriz ETXEBERRIA VALCARLOS
- Mirentxu Garbiñe FERNANDEZ ARETXABALA
- Luis Miguel MORTALENA SALDIAS
- Mª Pilar ITURREGI VICONDOA
- Santiago URRUTIA JUANIKOTENA
- Mª Rosario BERGARA MIHURA
- Francisco BENGOETXEA FELIPE
- Patrizia LEIZA ARRAZTOA
- Martin Antonio ARRIADA MITXELENA
- Miren VERA RODRIGUEZ
Taldeak azaldu duenez, «udal honek urtetan zehar izandako proiektu ekonomiko ezak hainbat pertsona elkartzea eragin du, sentsibilitate desberdinekoak baina gauza batek batzen gaituena: proiektu ekonomiko estrategikoak eta garapen iraunkor bat diseinatzeko beharra. Era horretan, Baztanen lana sortu eta bertako biztanleek ibarrean beren familiarengandik gertu bizitzen jarraituko dutela bermatuko duten proiektuak eskainiko diogu jendeari».
«Sentsibilitate eta ideologia anitzeko» baztandarrak elkartu dira: «nekazariak, autonomoak, enpresarioak, ehiztariak, jubilatuak, emigranteak, irakasleak, ostalariak, kirolariak… baztandarrendako eguneroko bizitzan onak izanen diren iniziatibak bultzatzeko asmoarekin».